Lajmet   Komuna e Istogut me një sërë aktivitetesh shënon 10 vjetorin e Pavarësisë së Kosovës

Komuna e Istogut me një sërë aktivitetesh shënon 10 vjetorin e Pavarësisë së Kosovës - 17 shkurt 2018

 
 








Komuna e Istogut nën patronatin e kryetarit Haki Rugova ka organizuar një sërë aktivitetesh kulturore dhe sportive për të shënuar kështu 10 vjetorin e Pavarësisë së Kosovës. Aktivitet janë organizuar për një javë të tërë, ku kanë filluar me mbajtjen e ekspozitës arkeologjik në muzën komunal në shtëpinë e kulturës, për të vazhduar më pastaj me aktivitet sportive me turnir në futboll dhe në ping-pong, ku kanë marrë pjesë nxënës të shkollave fillore dhe të mesme të cilët kanë garuar mes veti dhe në fund janë shpallur më të mirët e garës. 

 








Aktivitete kanë vazhduar me promovimin e librit të gjashtëmbëdhjetë me radhë “Vrapo e gjej dritë “ përmbledhje kjo e krijimeve poetike dhe eseve të nxënësve të shkollave fillore dhe të mesme të komunës së Istogut. Për nder të ditës së pavarësisë kryetari Haki Rugova priti në zyrën e tij edhe fëmijët e kopshtit “Gëzimi Ynë” nga Istogu, ku fëmijët paraqiten një program të shkurtër që kishin përgatitur për nder të pavarësisë.

 

Ndërsa sot, aktivitet kanë filluar qysh herët me ekspozitën e artit pamor në shtëpinë e kulturës në Istogut, ku janë ekspozuar një sërë krijimesh artistike. Më pastaj është mbajtur mbledhja solemne e kuvendit ku kanë marrë pjesë kryetari i komunës Haki Rugova, delegatët e kuvendit si dhe përfaqësues tjerë nga jeta politike dhe shoqërore.

 

Po ashtu janë bërë homazhe dhe vendosje kurora lulesh tek lapidari i dëshmorëve në qendër të Istogut bashkë me shoqatat e dala nga lufta dhe familjarëve të dëshmorëve dhe veteranëve të luftës , po ashtu homazhe janë bërë edhe tek varri i Shaban Manaj dhe i Fadil Feratit.

 

Të gjitha këto aktivitet që shënuar 10 vjetorin e pavarësisë do të përmbyllen më një koncert kulturore-artistik që do të mbahet në shtëpinë e kulturës në Istog. 


RSS

Sign in